Diario de montaña

31 maio (1998)
     Saen para Paquistán. Acompáñanos un grupo de compañeiros galegos que queren subir ó Gasherbrum II (Ánxel, Llopis, Fernando, Xulián e Álex).

1 xuño
     Chegan a Rawalpindi.

2-6 xuño
     Trámites de última hora para conseguir o permiso que lles permitirá subir a catro montañas de oito mil metros, a primeira vez que se consegue.

7 xuño
     Chegan Fausto e Félix, que se unen a eles. Nun autobús desprázanse a Skardu.

8 xuño
     Últimos preparativos en Skardu.

9 xuño
     Desprazamento en 6 Jeep de Skardu a Askole (8 horas). Días máis tarde un jeep precipitaríase por un cavorco ás augas do río Braldo. Os seu dous ocupantes morrerían.

10 xuño
     Comezan a aproximación con 80 carrexadores. Dormen en Khoropon.

11 xuño
     Korophon - Paiju. Para evitar un rodeo de tres horas, vadean un afluente do río Braldo. Un dos carrexadores vaise río abaixo, logrando deterse uns 500 metros máis abaixo. Consegue salvarse, pero o su estado é lamentable e non pode continuar.

12 xuño
     Día de descanso en Paiju, último lugar con vexetación. Aproveitan para aclimatarse e soben a 4500 metros. Están ás portas do paraíso dos oitomiles.

13 xuño
     Paiju - Urdukas: un día longo e o primeiro no que percorren o extenso glaciar do Baltoro, camiñando entre paredes de rocha de 2000 metros.

14 xuño
     Urdukas - Gore. Outro día percorrendo o glaciar para situarse a 4400 metros.

15 xuño
     Gore - Shigarrin. O mal tempo, denominador común dos días previos, impídelles ver o K2 e o Broad Peak cando pasan por Confluencia.

16 xuño
     Chegan ó campo base (5150 m). Na morea do glaciar dos abruzos montan o campo base.

17 xuño
     Rematan de instalar o campamento. Xesús inspecciona o glaciar dos Gasherbrum.

18-20 xuño
     Ascenden ó campo I (6000 m), sinalizando parte da ruta. Dormen dúas noites en altura.

21 xuño
     O mal tempo fai que retornen ó campo base.

22 xuño
     Agardan a chegada do bo tempo no campo base.

23 xuño
     Progresan ata o campo I.

24 xuño
     Regresan ó campo base.

26 xuño
     Soben outra vez ó campo I. Toni e Suso instalan 200 metros de corda fixa para subir ó campo II, corda que lles cede un grupo inglés.

27 xuño
     Xesús e Toni instalan otros 200 metros de corda fixa. Desde o campo base soben Xulián, Álex, Félix e Fausto. Toni regresa ó campo base.

28 xuño
     A Fernando, Ánxel e Llopis remátaselles o tempo e regresan a casa. Morre un francés tentando subir ó G-VI. Xesús e Xulián continúan equipando a ruta ata o campo II.

29 xuño
     Toni e un grupo de americanos axudan a recuperar o corpo do francés do Gasherbrum.

30 xuño
     Toni ascende ó campo I. Álex, Félix e Fausto soben para o campo II (6500 m). Xesús e Xulián baixan ó campo base.

1 xullo
     Toni sobe un transporte ó campo II. Vai moi mal tempo: regresan todos ó campo base.

2-3 xullo
     O mal tempo persiste e pasan a xornada repousando no campo base.

4 xullo
     Xesús sobe para o campo I. Os demais agardan no campo base.

5 xullo
     Xesús progresa ata o campo II, o mesmo que Toni e Xulián que chegan desde o campo base. Álex, Fausto e Félix ascenden ó campo I.

6 xullo
     Xulián, Xesús e Toni soben para tirar para o cume. Instalan unha tenda a 7400 metros, altura na que dormen esa noite. Álex, Fausto e Félix, soben ó campo II.

7 xullo
     Xesús, Xulián e Toni saen ás 5 da mañana para a cima do Gasherbrum II. Xesús e Toni chegan ó cumio ás 11,30. Xulián dá a volta a 7600 metros. Álex, Fausto e Félix, xuntamente cos outros grupos, soben a 7000 metros, equipando a ruta con corda fixa.

8 xullo
     Xesús, Xulián e Toni descenden ó campo I, cruzándose con moitas expedicións que agardan a 7000 metros, esperando poder subir ó día seguinte.

9 xullo
     Xulián queda no campo I para volver a tentar o cume. Félix e Fausto ascenden á cima. Xunto con eles soben outros grupos, entre os que anda Ramón Blanco, un galego residente en Venezuela que ós seus 65 anos é a persoa de máis idade que chega a un monte de 8000. Malia súa idade está tan forte como calquera dos demais.