Aproximación

     O 12 de novembro planteámonos tentar o Shisha Pangma antes de voltar a Galicia para pasar o Nadal xunto ás nosas familias.

     Como é costume, acudimos a Katmandú para solicitar a autorización que nos permitise ascender. Alí soubemos que os tibetanos non conceden permisos para subir á montaña durante a época invernal. Decidimos, entón, intentalo desde o Nepal.

En liña de puntos a ruta de aproximación seguida para chegar ó campo base do Shisha Pangma.

	Na ascensión ó Shisha Pangma, o mal tempo volveu interromper os nosos planos.

     Tras varias viaxes longas chegamos a Lantang, lugar do que partimos cara a Nubamatang Kharka (4100 m) e Drichung Phu (4300 m), onde instalamos o campo base. En varias ocasións intentamos alcanzar o campo base da parede Sur da montaña, a través dun pedroso glaciar. Pero nevaba con forza e a propia neve agochaba os ocos que hai entre as rochas, o que aumentaba os riscos de partir unha perna. Volvimos esperar.