Diario de montaña

19 outubro (1997)
     Toni voa de Jomson a Pokara, e pola noite viaxa a Katmandú. Álex e Xesús baixan a Lete.

20 outubro
     Toni prepara en Katmandú os trámites do permiso. Álex e Xesús soben a Jomson.

21 outubro
     Toni continúa en Katmandú. Álex e Xesús voan cara a Pokara; pola noite toman o autobús de Katmandú.

22 outubro
     Chegan Álex e máis Xesús a Katmandú.

23 outubro
     Realizan tódolos preparativos para que Xesús e Álex saian por diante cos carrexadores.

24 outubro
     Permanecen en Katmandú.

25 outubro
     Álex e Xesús voan a Lukla. Toni espera a chegada dos cartos que lle enviaron desde Galicia.

26 outubro
     Álex e Xesús soben cos carrexadores ata Namche Bazar (3500 m).

27 outubro
     A falta de diñeiro retenos en Namche Bazar.

28 outubro
     Xesús regresa a Lukla para coller os cartos que lle enviou Toni desde Katmandú. Soben cos iacs a Thame (4100 m). Vai coes Marcos, un montañeiro basco.

29 outubro
     Xesús e Álex, xunto coa caravana de iacs, soben a Chola, último lugar habitado no camiño ó Cho-Oyu.

30 outubro
     Toni voa a Lukla co resto do diñeiro e co permiso. Ese mesmo día sobe a Thamo. Polo camiño se atopa co arxentino Daniel Eisenberg.

31 outubro
     Álex, Xesús, Marcos e a caravana de iacs chegan ó campo base (5500 m). Contra o final do día chega tamén Toni.

1 novembro
     Montan o campo base. Unha manchea de refuxiados tibetanos cruzan por aquí para ir a ver ó Dalai Lama. Tamén cruzan cantidade de caravanas de mercaderes tibetanos con iacs. Marcos regresa a Namche.

2 novembro
     Álex, Xesús e Toni, cunhas mochilas de 25-30 kg., emprenden a aproximación á parede do Cho-Oyu. Dormen na portela do Nampa-La (5900 m). Como nos días anteriores, crúzanse con infinidade de caravanas de iacs que cruzan o paso para dirixirse a Namche.

3 novembro
     Desde a portela diríxense á base do Cho-Oyu. Fan noite no glaciar, a 6100 metros, onde quedará logo Álex.

4 novembro
     Toni e Xesús emprenden a ascensión. Por causa do vento teñen que deterse cando xa alcanzaran os 6700 metros. Álex filma a escalada desde a tenda.

5 novembro
     Toni e Xesús reemprenden a ascensión e chegan ó campo III (7600 m), onde montan a tenda para pasar a noite.

6 novembro
     Saen para o cume coas primeiras raiolas. Ó pouco tempo, Toni sente moito frío nos pés e nas mans, razón pola cal decide dar a volta. Xesús continúa en solitario. Ás cinco da tarde regresa despois de tripar a cima.

7 novembro
     Toni e Xesús baixan ó glaciar, onde os está agardando Álex.

8 novembro
     Regresan ó campo base.

9 novembro
     Xesús adiántase e parte cara a Namche. Álex e máis Toni desmontan o campo base.

10 novembro
     Xesús baixa a Lukla e Álex e Toni ata Thame.

11 novembro
     Xesús voa a Katmandú. Álex e Toni descenden a Namche Bazar, onde esperan polos carrexadores.