Ruta de ascensión que seguimos para coroar o Cho-Oyu.
	A ascensión ó Cho-Oyu foi máis longa do normal, debido a que a levamos a cabo desde territorio nepalí.

Ascensión

     Ó pouco de comezar a ascensión, o forte vento fíxonos deter a 6700 metros. Ó día seguinte alcanzamos o campo III (7600 m). A esteira creada polo grupo que un mes antes asediara a montaña facilitou a nosa ascensión. Desde o glaciar, Álex dedicouse a filmar a subida.

     Ó amencer do día 6 partimos cara ó cumio. Iniciado o ascenso, comecei a sentir síntomas inequívocos de conxelación, razón pola cal decidín retroceder. As condicións climatolóxicas non semellaban ser totalmente desfavorables, co que Xesús continuou en solitario para pisar o cume, regresando á tenda contra as 5 da tarde.