En liña de puntos a ruta de aproximación seguida para chegar ó campo base do Cho-Oyu.
Bandeiras de oracións ondulando enriba dunha pagode budista, chamada chorten en tibetano.

Aproximación

     Despois da experiencia aceda do Annapurna, acudimos a Katmandú a negociar o permiso para afrontar o novo cumio. Agardamos tamén un envío de cartos desde Galicia para poder continuar. Mentres non chegaba, Álex e Xesús adiantáronse ata Lukla e ascenderon a Namche Bazar (3500 m) cos carrexadores. Acompañados por unha caravana de iacs, progresamos posteriormente ata Thane (4100 m), Chola e, finalmente, ata o campo base (5500 m).

     Algo máis enriba está o paso do Nangpa-La (5900 m), que forma a fronteira entre Tíbet e Nepal. Cruzámonos coas caravanas de iacs dos comerciantes tibetanos e con multitude de peregrinos budistas que transitaban esta vía para visitar ó Dalai Lama, exiliado na India. Fame negra, conxelacións e ataques de cegueira son síntomas comúns dunha penitencia que ás veces conclúe tristemente nestas montañas.