Diario de montaña

28 setembro (1997)
     Soben ata Kagbeni. Álex marcha a Katmandú para xestionar o permiso do Annapurna. Xulián acompáñao para regresar a casa.

30 setembro
     Soben a Muktinath, a onde acoden multitude de peregrinos hinduístas, e desandan o camiño a Marpha.

1-2 outubro
     Descanso en Marpha.

3 outubro
     Xesús e Toni baixan a Lete (2300 m), derradeira aldea para comezar a aproximación ó Annapurna. Saúdan a Pablo e a Susana, dous madrileños que atopan alí.

4 outubro
     Mentres buscan carrexadores para subir ó campo base do Annapurna, Xesús e Toni soben a perto de Thulo Bugin (4200 m) e regresan a Lete.

5 outubro
     Acompañados por 15 carrexadores e por Lakpa, o cociñeiro, Xesús e Toni comezan a aproximación. Pola tarde chove.

6 outubro
     Catro carrexadores retrásanse e teñen que agardar medio día por eles. Continúa o mal tempo durante a tarde, polo que hai que facer noite no paso de Thulo Bugin (4200 m).

7 outubro
     Ó longo de todo o día camiñan sobre neve. Sorpréndense da fortaleza dos carrexadores. Fan noite no campo base dos Nilgiri.

8 outubro
     Baixando as costentas pendentes que conducen ó río Miristhi Khola (3200 m), un carrexador esvara e perde a carga de queroseno que levaban para cociñar.

9 outubro
     Chegan ó campo base do Annapurna (4300 m). Non hai ningunha expedición alí.

10 outubro
     Dedican o día a montar o campo base.

11 outubro
     Xesús e Toni soben ó campo I (5200 m) e dormen alí.

12 outubro
     Con moito esforzo, afundíndose ata a cintura durante moitos tramos, alcanzan o campo II (6200 m), onde dormen.

13 outubro
     A gran cantidade de neve amoreada na parede, así como os aludees que caen pola ruta, fan que decidan agardar uns días. Regresan ó campo base, onde atopan a Álex, que xa regresara de Katmandú.

14 outubro
     Día de descanso.

15 outubro
     Álex, Xesús e Toni soben directos ó campo II.

16 outubro
     Toni y Xesús saen de madrugada para continuar a ascensión. Álex queda na tenda. Ó comezo da parede de seracs vense sorprendidos por un enorme alude, que os fai desistir no intento do Annapurna. A parede atópase en moi malas condicións.

17 outubro
     Con todo o equipo regresan ó campo base. Acertaban: uns días despois nevaría con tanta intensidade que mantiveron pechado o aeródromo de Jomsom. Por causa disto, as expedicións que se achaban no Dhaulagiri estiveron retidas durante moito tempo, sen poderen regresar a Marpha.