Ruta de ascensión que seguimos para tentar coroar o Annapurna
	A grande cantidade de neve, unida a un alude de enormes proporcións, impediunos coroar o Annapurna.

Ascensión

     Non tiñamos reseñas de por onde discorría a ruta. Recorremos á lóxica e dimos co vieiro correcto. Alcanzamos o campo I. E o campo II. Pero a cantidade de neve amoreada e os aludes que se desprendían da parede Norte do Annapurna nos aconsellaban esperar.

     O día 15, Álex regresou de Katmandú co permiso. Ó día seguinte, de madrugada, encamiñámonos cara ó campo III. De súpeto, Álex, que quedara no campo II, escoitou un forte estrondo. Saíu da tenda e observou como unha enorme nube se desprendía da foz. Berrou repetidas veces tentando alertarnos, pero a súa se perdía naquela inmensidade.

     Na parede, cen metros por enriba do plató, Xesús comprobou que unha nube de neve en po se desprazaba montaña abaixo. Avisoume para que me protexese, e conseguín gorecerme entre os seracs que estaban á miña esquerda.