Diario de montaña

30 agosto (1997)
     Viaxan en autobús de Katmandú a Pokhara.

31 agosto
     Comeza a aproximación. Dormen en Birethanti (1100 m).

1 setembro
     Recorren o camiño que sobe a Ghorapani (2874 m). As nubes impídenlles recrearse coas vistas do Annapurna e do Dhaulaguiri.

2 setembro
     Baixan a Tatopani ("augas quentes" en nepalí) (1300 m). Á beira do río Kali Gandaki disfrutan das augas termais.

3 setembro
     Continúan pola beira do río Kali Gandaki ata chegaren a Kalopani (2300 m). Perto de 6000 metros por enriba, érguense o Annapurna -á dereita- e o Dhaulagiri, á esquerda.

4 setembro
     Alcanzan Marpha (2600 m), derradeira vila na aproximación ó Dhaulagiri.

5 setembro
     Comezan a aclimatación. Dormen nunha cabana de pastores de iacs en Yakharka (4200 m), na aproximación ó Dhaulagiri.

6 setembro
     Con moita brétema, que os leva a perder o camiño durante un tempo, chegan a Kalopani (4900 m). Pasan aquí a noite.

7 setembro
     Acompañados polas nubes -o mesmo que o día anterior-, alcanzan o Dhampus Pass (5200 m) e máis tarde montan as tendas no monte Dhampus ou Thapa (6012 m).

8 setembro
     Baixan a Marpha, en Yakharka. Crúzanse co cociñeiro, o oficial de enlace e os carrexadores, que soben para o campo base.

9 setembro
     Día de descanso en Marpha.

10 setembro
     Quino regresa a Katmandú. Continúan Álex como cámara, Xulián -montañeiro convidado ó Dhaula-, Toni e Xesús. Dormen perto do Paso dos franceses (5300 m).

11 setembro
     Chegan ó campo base (4800 m), que aínda está sen montar. O cociñeiro, os carrexadores e o oficial de enlace chegaran o día anterior.

12 setembro
     Xulián, Xesús e Toni comezan a ascensión ó Dhaulagiri. Empeza a nevar e teñen que parar a 5700 metros, próximos a onde se adoita montar o campo I.

13 setembro
     Ante a insistencia do mal tempo regresan ó campo base.

14 setembro
     Día de descanso no campo base.

15 setembro
     Xulián y Xesús soben ó campo I (5900 m). Toni busca un burro, que avistara días antes extraviado no glaciar, con intención de darlle alimento, pero non o atopa.

16 setembro
     Álex e Toni soben ó campo I. Xulián e Xesús soben ó campo II (6200 m).

17 setembro
     Toni sobe de noite ó campo II, onde se reúne con Xulián e Xesús. Abren ruta ata os 6800 metros, onde pasan a noite. Álex queda filmando desde o campo I.

18 setembro
     Xulián, Xesús e Toni saen con intención de subir ó cume, pero a 7500 metros reparan en que van moi a modo para poder subir con garantías, polo que regresan á tenda que teñen a 6800 metros.

19 setembro
     Regresan ó desfiladeiro no que está Álex e xunto con el baixan para o campo base.

20-21 setembro
     Descanso no campo base.

22 setembro
     Soben ó campo I (5900 m).

23 setembro
     Xulián, Xesús e Toni soben ó campo IV (7500 m). Álex agarda no campo I.

24 setembro
     Ás tres da tarde alcanzan a cima do Dhaulaguiri. Case de noite regresan á tenda do campo IV (7500 m).

25 setembro
     Baixan directos ó campo base con todo o equipo.

26 setembro
     Recollen o campo base.